افطاری سے قبل سینما گھروں میں فلموں کی نمائش نہیں ہو گی

اسلام آباد(بیورورپورٹ)اسلام آباد کی سول عدالت نے رمضان المبارک کے دوران سینما گھروں میں فلموں کی نمائش نہ کرانے کی یقین دہانی پر درخواست نمٹا دی ہےاسلام آباد کے سول جج میاں اظہر ندیم نے ایک شہری محمد بلال کی درخواست پر سماعت کی۔ جس میں موقف اختیار کیا گیا تھا کہ فلموں کی نمائش احترام رمضان ایکٹ 1981 کے سیکشن 6 کی خلاف ورزی ہے۔نجی شاپنگ مال میں قائم سینما گھر کے نمائندے نے عدالت میں یقین دہانی کرائی کہ وہ رمضان المبارک کا تقدس پامال نہیں کرینگے اور رمضان المبارک میں افطاری سے قبل فلموں کی نمائش نہیں کی جائے گی۔