شیخ رشید کے بھتیجے شیخ راشدکو اسلام آباد ایئرپورٹ سے گرفتار کر لیا گیا

شیخ رشید کے بھتیجے شیخ راشد کو مسجد نبوی ﷺمیں نعرے بازی واقعے میں ملوث ہونے کے الزام میں اسلام آباد ائیرپورٹ سے گرفتار کیا گیا ہے ۔ پولیس حکام کا کہنا ہے کہ شیخ راشد کو ایف آئی اے کے حوالے کر دیا گیا۔ شیخ راشد نے مسجد نبوی ﷺمیں کابینہ ارکان کے خلاف کی جانے والی نعرے بازی پر خوشی کااظہار کرتے ہوئے مسجد نبویﷺ سے وڈیو بنائی تھی ۔فیصل آباد کے شہری نے واقعے پر عمران خان سمیت 150 افراد کے خلاف مقدمہ درج کروایا ہے۔ مقدمے میں توہین مذہب سمیت 4دفعات شامل کی گئی ہیں ۔جس کے تحت عمر قید تک کی سزا بھی سنائی جا سکتی ہے۔