صدرمملکت ڈاکٹر عارف علوی نے ای وی ایم مشین اور بیرون ملک مقیم پاکستانیوں کے ووٹنگ کے حق سے متعلق ترمیمی بل بغیر دستخط واپس کر دیا۔
صدر مملکت ڈاکٹر عارف علوی نے کہا کہ الیکٹرانک ووٹنگ مشین اور اوورسیز پاکستانیوں کے ووٹ کے معاملے پر ایک دہائی سے زائد عرصے سے منسلک ہوں ۔ تمام حکومتوں ،پارلیمنٹ اور سپریم کورٹ میں اس معاملے کی پیروی کرتا رہا ہوں ۔
ایوان صدر کے جانب سے جاری بیان میں کہا گیا کہ ادراک ہے کہ بل پر دستخط نہ کرنے کے باوجود اسے قانون کی شکل دے دی جائےگی ۔ بل پر دستخط نہ کرنا میرے لئے ذاتی طور پر ایک تکلیف دہ عمل ہے ۔
صدر مملکت نے کہا کہ آنے والی نسلوں کے الیے ایک پیغام چھوڑنا چاہتا ہوں کہ ٹیکنالوجی خاص طور پر ای وی ایم مشین کو موثر طور پر استعمال کرنے میں مسائل کا حل موجود ہے ۔
صدر مملکت نے کہا کہ ٹیکنالوجی متنازعہ اور چیلنج شدہ انتخابی ابہام کم کر سکتی ہے ۔ ٹیکنالوجی کا استعمال ہمارے انتخاب کے عمل میں شفافیت کے ادھورے خواب کو پورا کر سکتی ہے ۔ چاہتا ہوں کہ پاکستان مستقبل میں تیزی سے کامیابی کی طرف گامزن ہو ۔ہمیں مسائل کے حل کے لیے جدید اور سائنسی طریقوں کو بھی بروئے کار لانا چاہیے۔