سعودی ولی عہد محمد بن سلمان نے آرمی چیف جنرل قمر جاوید باجوہ کو کنگ عبدالعزیز میڈ ل سے نوازا ہے ۔
تفصیلات کے مطابق آرمی چیف جنرل قمر جاوید باجوہ نے سعودی عرب کا دورہ کیا جہاں سعودی ولی عہد محمد بن سلمان نے آرمی چیف کو کنگ عبدالعزیز میڈل سے نوازا ،جو سعودی عرب کے بانی کے نام پر ہے ۔
#VIDEO: Crown Prince confers Order of King Abdulaziz award to #Pakistan’s Army Chief pic.twitter.com/wATCSQ5QR9
— Saudi Gazette (@Saudi_Gazette) June 26, 2022
سعودی عرب کے ولی عہد شہزادہ محمد بن سلمان نے شاہ سلمان کے حکم پر عملدرآمد کرتے ہوئے پاکستان اور سعودی عرب کے مضبوط تعلق میں جنرل قمر جاوید باجوہ کی نمایاں خدمات اور کوششوں کے اعتراف میں انہیں کنگ عبدالعزیز میڈل آف ایکسیلنٹ سے نوازا ۔
سعودی میڈیا کے مطابق سعودی ولی عہد نے آرمی چیف جنرل قمر جاوید باجوہ سے ملاقات کی جس میں دو طرفہ تعلقات کا جائزہ لیا گیا ۔ملاقات میں دفاعی ترقی اور باہمی دلچسپی کے امور پر بھی بات کی گئی گی ۔ ملاقات میں دونوں ملکوں کے سینئر حکام بھی موجود تھے۔
