پیٹرول کی قیمتوں میں اضافے کا اعلان ٹی وی پر آ کر نہیں کرنا چاہیے تھا، مفتاح اسماعیل

وفاق وزیر خزانہ مفتاح اسماعیل کا کہنا ہے کہ گزشتہ روز انہیں پٹرولیم مصنوعات کی قیمتوں میں اضافے کا اعلان ٹی وی پر بیٹھ کر نہیں کرنا چاہئیے تھا بلکہ یہ اعلان ان کے ایک اور ساتھی نے کرنا تھا۔

مفتاح اسماعیل نے ٹوئٹر پیغام میں کہا کہ وزیر اعظم نے کہا تھا کہ پٹرولیم مصنوعات کی قیمتوں میں اضافے کا اعلان مصدق ملک اور مجھے ہی کرنا ہے۔

I was not supposed to go on tv last evening to announce this. Another colleague was supposed to do this. But PM sahib decided that Musadik Malik and I should do that. https://t.co/M8xv3GWtXL

— Miftah Ismail (@MiftahIsmail) July 1, 2022

اس سے قبل مفتاح اسماعیل کا کہنا تھا کہ عمران خان نے آئی ایم ایف کے ساتھ معاہدے کی پاسداری نہ کرتے ہوئے ملک کو 233 ارب روپے کا نقصان پہنچایا۔

تحریک انصاف نے آئی ایم ایف سے جو معاہدہ کیا تھا اس کے مطابق آج ملک میں پٹرولیم مصنوعات کی قیمت میں لیوی ٹیکس کی مد میں 70 روپے تک کا اضافہ کیاجانا تھا لیکن موجودہ حکومت نے صرف 5 اور 10 روپے لیوی ٹیکس عائد کیا ہے۔