راولپنڈی پولیس نے راہ چلتی خواتین سے کے کانوں سے بالیاں نوچنے اور طلائی زیورات چھیننے والاملزم گرفتار کرلیا۔
پولیس کا کہنا ہے کہ ملزم کو سی سی ٹی وی ویڈیو کی بنیاد پر جدید ٹیکنالوجی کا استعمال کرتے ہوئے حراست میں لیا گیا۔
آر پی او راولپنڈی عمران احمر کی جانب سے ملزم کی گرفتاری کے لیے راولپنڈی پولیس کو خصوصی ٹاسک دیا گیا تھا ۔
راولپنڈی کےعلاقہ صادق آبادمیں چندروز قبل بزرگ خاتون کے کانوں سےبہیمانہ طریقے سےبالیاں چھیننے کا واقعہ، ملزم گرفتار۔ RPO عمران احمر نےواقعہ کانوٹس لیتے ہوئے راولپنـڈی پولیس کو ملزم کی گرفتاری کا ٹاسک دیا تھا۔ CPO سید شہزاد ندیم بخاری نے ملزم کی گرفتاری کیلئے سپیشل ٹیمیں تشکیل دیں۔ pic.twitter.com/YWScxDd4RU
— Rawalpindi Police (@RwpPolice) July 1, 2022
ملزم کو صادق آباد میں بزرگ خاتون کے کانوں سے بالیاں نوچنے کی وڈیووائرل ہونے کے بعد گرفتار کیا گیا۔
پولیس کا کہنا ہے کہ ملزم کو نادرا ریکارڈ اور جدید ٹیکنالوجی کے استعمال کے بعد گرفتار کیا گیا ۔پولیس نے ملزم کی گرفتاری کے لیے گوجرخان اور راولپنڈی کے مختلف علاقوں میں چھاپے مارے ۔
پولیس کے مطابق ملزم عمران کو صادق آباد سے گرفتار کیا گیا ملزم عمران علی شکریال راولپنڈی کا رہائشی ہے جو کہ گلیوں اور محلوں میں خواتین کو تنہا پا کر کر ان کے کانوں سے بالیاں نوچتا اور زیورات لوٹ کر فرار ہو جاتا تھا۔پولیس نے ملزم کے خلاف سابقہ ریکارڈ بھی حاصل کر لیا ہے ۔
پولیس کا کہنا ہے کہ ملزم کی نشاندہی پر اس سے زیورات خریدنے والے جیولرزکو بھی گرفتار کیا جائے گا۔