اوپن مارکیٹ ریٹس

ہمیں فالو کریں

842,841FansLike
9,980FollowersFollow
561,200FollowersFollow
181,482SubscribersSubscribe

حکومت کا اپوزیشن سے رابطے کا فیصلہ

اسلام آباد(نیوز الرٹ ڈیسک) حکومت نے پاناما لیکس کی تحقیقات کے لئے جوڈیشل کمیشن کے ٹرمز آف ریفرنس پر اپوزیشن جماعتوں سے رابطے کا فیصلہ کیا ہے۔ وزیراعظم نواز شریف کی زیرصدارت وفاقی وزرا اور مسلم لیگ (ن) کے سینئر رہنماؤں کا اجلاس ہوا جس میں وفاقی وزیرداخلہ چوہدری نثار، وزیرخزانہ اسحاق ڈار، وزیراطلاعات پرویز رشید، وزیرقانون زاہد حامد، وزیردفاع خواجہ آصف اور سینیٹر ظفرالحق سمیت دیگر نے شرکت کی۔ اجلاس میں اپوزیشن جماعتوں کی جانب سے جوڈیشل کمیشن کے حوالے سے میڈیا پر آنے والے ٹی او آرز پر غور کیا گیا۔اجلاس کے دوران وفاقی وزرا نے اپوزیشن جماعتوں کے رد عمل کو مسترد کرتے ہوئے کہا کہ حکومتی ٹی او آرز میں تمام چیزوں کا احاطہ کیا گیا ہے تاہم اجلاس کے دوران فیصلہ کیا گیا کہ حکومتی ٹی او آرز پر اپوزیشن کی کوئی مثبت تجویز سامنے آئی تو اس پر بات کی جاسکتی ہے اور اس حوالے سے اپوزیشن سے دوبارہ رابطہ کیا جائے گا۔