باجوڑ کی تحصیل ماموند میں پولیس ٹرک کے قریب دھماکے سے 5 اہلکار شہید اور 10 افراد زخمی ہوگئے۔
پولیس کے مطابق دھماکہ تحصیل ماموند کے علاقے بیلوٹ فرش پولیس گاڑی کے پاس ہوا جسکے نتیجے میں 5 اہلکار شہید اور 10 افراد زخمی ہو گئے۔
پولیس کا کہنا ہے کہ اہلکار انسداد پولیو مہم ٹیم کی سکیورٹی کیلئے جارہے تھے کہ انکی گاڑی دھماکے کی زد میں آ گئی۔
دھماکے کے زخمیوں کو خار اسپتال منتقل کر دیا گیا ہے اور علاقے کا محاصرہ کرکے دہشتگردوں اور انکے سہولت کاروں کی تلاش کیلئے آپریشن شروع کر دیا گیا ہے۔