وزیراعلیٰ کے پی علی امین گنڈا پور کی جی ایچ کیو حملہ کیس سمیت 11 مقدمات میں ضمانت منظور ہوگئی ہے۔
راولپنڈی، وزیراعلیٰ خیبر پختونخوا علی امین گنڈا پور کی جی ایچ کیو حملہ کیس سمیت 11 مقدمات میں ضمانت منظور ہوگئی۔
انسداد دہشتگردی عدالت راولپنڈی کے جج ملک اعجاز آصف نے ضمانت کی درخواستوں پر سماعت کرتے ہوئے علی امین گنڈا پور کی 11 مقدمات میں ضمانتیں منظور کیں۔
علی امین گنڈا پور کی تھانہ سول لائنز میں درج مقدمات میں ضمانت پر سماعت کل تک ملتوی کردی گئی۔
انسداد دہشتگردی عدالت کے جج نے وزیراعلیٰ کے پی کو کل حاضری سے بھی استثنیٰ قرار دیدیا۔
