حیدر آباد، مٹیاری کی تحصیل نیو سعید آباد میں فیکٹری میں کام کے دوران امونیم گیس سلنڈر پھٹنے سے 4 مزدور جاں بحق ہوگئے۔
نیو سعید آباد میں بابو عمرانی آئس فیکٹری میں مرمت کے دوران اچانک امونیم گیس سلنڈر سے زور دار دھماکہ ہوا۔ دھماکے کے نتیجے میں 4 مزدور جاں بحق ہوگئے۔
اہل علاقہ کیجانب سے تین مزدوروں کی لاشیں اور ایک مزدور کو شدید زخمی حالت میں ہسپتال منتقل کیا گیا، تاہم حیدر آباد ہسپتال منتقلی کے دوران زخمی مزدور دم توڑ گیا۔
