آئی جی سندھ غلام نبی میمن نے کہا ہے کہ کراچی میں اسٹریٹ کرائم پر قابو پانے کیلئے پولیس کیساتھ تمام اداروں کو اپنے فرائض انجام دینے چاہئیں۔
کراچی میں کرائم رپورٹرز کے اعزاز میں دیے گئے افطار کے موقع پر بات چیت کرتے ہوئے غلام نبی میمن کا کہنا تھا کہ دنیا بھر میں اسٹریٹ کرائمز ہوتے ہیں لیکن اس پر قابو پانے کیلئے تمام ادارے اپنا کام کرتے ہیں۔
صحافیوں سے اپنی گفتگو میں کہا کہ کرائم کنٹرول کرنے کیلئے کرمنل جسٹس سسٹم میں بھی بہتری کی ضرورت ہے۔
آئی جی سندھ کا کہنا تھا کہ پولیس جرائم پیشہ افراد کو گرفتار تو کرلیتی ہے لیکن وہ کچھ عرصے میں رہا ہوجاتے ہیں۔
