نئی سیاسی جماعت بنانے کیلئے سرگرم شاہد خاقان عباسی نے سابق گورنر سندھ ڈاکٹر عشرت العباد سے ملاقات کی ہے۔
ذرائع کے مطابق سابق وزیراعظم شاہد خاقان عباسی سے پہلے سابق وزیر خزانہ مفتاح اسماعیل نے بھی ڈاکٹر عشرت العباد سے علیحدہ سے ملاقات کی، اس دوران تیزی سے بدلتے ہوئے سیاسی ماحول پر بات کی گئی۔
دوران ملاقات دونون رہنماؤں نے اتفاق کیا کہ باکردار اور باعمل سیاستدان ملک کو پسماندگی کی دلدل سے نکال سکتے ہیں، بتایا جارہا تھا کہ مفتاح اسماعیل کی ڈاکٹر عشرت العباد سے ملاقات کا مقصد سیاسی منظر نامے کا جائزہ تھا۔
نیب نے شاہد خاقان عباسی کیخلاف ایل این جی ریفرنس واپس لے لیا، شاہد خاقان سمیت تمام ملزمان بری
مفتاح اسماعیل کے قریبی ذرائع کا بتانا ہے عشرت العباد سے ملاقات سیاسی جماعت سے متعلق امور پر نہیں تھی۔
