کراچی، جمعیت علمائے اسلام (ف) کے آج کراچی میں ہونیوالے جلسے کے پیش نظر شہر کا ٹریفک پلان جاری کردیا گیا۔
ٹریفک پولیس کے مطابق نمائش چورنگی عام ٹریفک کیلئے بند ہوگی اور شارع قائدین سے آنیوالی ٹریفک کو نورانی سگنل سے آگے جانے کی اجازت نہیں ہوگی۔
ٹریفک پولیس کا بتانا ہے کہ یونیورسٹی روڈ سے آنیوالی ٹریفک کو جیل چورنگی سے شہید ملت کیطرف بھیجا جائے گا، جبکہ جیل چورنگی سے جمشید روڈ آنے والی ٹریفک کو سولجر بازار کیجانب موڑا جائے گا۔
ٹریفک پلان کیمطابق ریگل چوک سے کوریڈور 3 تک ٹریفک کو جانے کی اجازت نہیں ہوگی۔