کراچی کے سریلے رکشہ ڈرائیور نے لتا کی خواہش پر سرسنگیت سے ناطہ جوڑ لیا

کراچی(شوبز ڈیسک) سوشل میڈیا پردھوم مچانے والے سریلے رکشہ ڈرائیور ماسٹراسلم المعروف بانکے میاں نے بھارت کی نامورگلوکارہ لتا منگیشکرکی خواہش پوری کرتے ہوئے ایک بار پھر سرسنگیت سے ناطہ جوڑ لیا۔اپنی سریلی آواز کے ذریعے سوشل میڈیا سے شہرت حاصل کرنے والے کراچی کے رہائشی اور رکشہ ڈرائیور ماسٹراسلم المعروف بانکے میاں نے بھارت کی نامورگلوکارہ لتا منگیشکرکی خواہش پوری کردی اور ڈرائیوری چھوڑ کر ایک بار پھر سرسنگیت سے ناطہ جوڑ لیا ہے۔ماسٹر اسلم گلوکار بننا چاہتے تھے لیکن حالات کے ہاتھوں رکشہ چلانے پر مجبور تھے، گزشتہ مہینے ماسٹر اسلم نے رکشہ میں بیٹھے بٹھائے ایک گیت گنگنایا جس نے سوشل میڈیا پر بے حد پذیرائی حاصل کی یہاں تک کہ یہ گیت فیس بک کے ذریعے بھارت کی معروف گلوکارہ لتا منگیشکر تک بھی جا پہنچا جسے انہوں نے سن کر ماسٹر اسلم کی آواز کی تعریف کرتے ہوئے ان سے سر سنگیت سے ناطہ جوڑنے کی خواہش ظاہر کی۔لتا منگیشکر کی تعریف پر ماسٹر اسلم نے پروفیشنل گلوکار بننے کی ٹھان لی ہے اور اس کے لیے وہ باقاعدہ سر سنگیت کی تعلیم بھی حاصل کررہے ہیں۔واضح رہے ماسٹراسلم کو پہلی مرتبہ ’’ایکسپریس نیوز‘‘ نے اپنے مقبول سیگمنٹ ’’ بانکے میاں‘‘ کے ذریعے متعارف کروایا تھا۔