قومی کرکٹر وہاب ریاض کو بڑا صدمہ

لاہور(نیوز الرٹ رپورٹ) فاسٹ بولر وہاب ریاض کے والد انتقال کر گئے۔پاکستانی میڈیا کے مطابق قومی کرکٹ ٹیم کے فاسٹ بولر وہاب ریاض کے والد سکندر ریاض علالت کے بعد انتقال کر گئے۔ وہ بلڈپریشر کی وجہ سے کچھ روز سے ہسپتال میں زیر علاج تھے ۔ وہاب ریاض نے سوشل میڈیا پر مداحوں سے والد کی صحت یابی کیلئےدعا کی اپیل بھی کر رکھی تھی۔وقار یونس، اسد شفیق، اظہر محمود، سہیل تنویر، کامران اکمل، عمر گل، اظہر علی اور دیگر نے وہاب ریاض اور ان کے اہلخانہ کے ساتھ اظہار تعزیت کیا ہے۔