لاہور (نیوز ڈیسک) پنجاب کے سرکاری سکولوں میں موسم گرما کی تعطیلات کا آغاز 25 مئی سے ہو گا تاہم نجی سکولوں کے مالکان کی جانب سے تاحال کوئی اعلان سامنے نہیں آیا۔ تفصیلات کے مطابق پنجاب کے سرکاری سکولوں میں موسم گرما کی تعطیلات کے حوالے سے وزیراعلیٰ پنجاب کو ارسال کی گئی سمری منظور کر لی گئی ہے جس کے مطابق موسم گرما کی چھٹیاں 25 مئی سے 14 اگست تک ہوں گی۔ حکومتی احکامات کے مطابق صوبے بھر کے سکول خواہ نجی ہوں یا سرکاری، منظور شدہ تاریخ سے بند ہوں گے اور مقررہ مدت تک ہی بند رہیں گے۔ دوسری جانب نجی سکول مالکان نے 25 مئی سے موسم گرما کی تعطیلا ت دینے سے انکار کرتے ہوئے کہا ہے کہ ابھی امتحانات چل رہے ہیں جس کی وجہ سے سکول یکم جون سے پہلے بند نہیں کئے جا سکتے۔
تازہ ترین