چوہدری شجاعت حسین کے صاحبزادے اوروفاقی وزیرسالک حسین کا تہلکہ خیزانٹرویو،کئی رازوں سے پردہ اٹھا دیا۔
سماء کو انٹرویو دیتے ہوئے وفاقی وزیر سالک حسین کاکہنا تھا کہ پرویز الٰہی کہتے تھے چھوڑو مونس الٰہی کو وزارت اعلیٰ پکی کر کے آؤ،نواز شریف پرویز الٰہی کیلئے چوہدری شجاعت حسین کے کہنے پر مانے ۔
سالک حسین کاکہنا ہے کہ مونس الٰہی نے اپنے والد پرویز الٰہی کو غلط ٹریک پر لگایا، ہم سب سے بھی غلط بیانی کی ، سماء کے نمائندے عباس نقوی سے گفتگو میں کہاکہ پرویز الٰہی کی جگہ ہوتے تو ہنس کر گرفتاری دے دیتے،دیکھنا یہ ہے کہ اینٹی کرپشن نے اتنا بڑا آپریشن کیا اس کیس میں کیا ہے؟ وفاقی حکومت کا اس آپریشن سے کوئی لینا دینا نہیں ہے ۔
سالک حسین کاکہنا ہے کہ وجاحت حسین نے اپنے بڑے بھائی کیخلاف پارٹی صدارت کیلئے کیس کر رکھا ہے ،وجاہت حسین پارٹی صدارت کی لڑائی لڑ رہے ہیں ، بیٹا پی ٹی آئی سے ٹکٹ مانگ رہا ہے۔
سالک حسین کامزید یہ کہنا ہے کہ پی ڈی ایم والے دن رات کہتے تھے کہ آپ نے مکرنا نہیں ہے حلف دو، ہم نے حلف دیئے کہ ہم پرویز الٰہی کی طرف سے ہی آئے ہیں ۔
