مسلم لیگ (ن) کی چیف آرگنائزر و سینئر نائب صدر مریم نواز کا کہنا ہے کہ نواز شریف کی واپسی کے بعد ملک ٹیک آف کرے گا۔
اتوار کو شجاع آباد میں جلسےسے خطاب کرتے ہوئے مریم نواز نے چیئر مین پی ٹی آئی کو تنقید کا نشانہ بناتے ہو ئے کہا کہ 9 مئی کے ماسٹر مائنڈ نے سوچا کہ وہ افواج پاکستان کو جھکا لے گا، مگر چال الٹی پڑ گئی اور اب وہ 9 جون کو یوٹیوب پر بیٹھ کر انہی سے ملاقاتوں کی بھیک اور معافیاں مانگ رہا ہے۔
عمران خان کی جماعت کا آج یہ حال ہے، ایک رکشے میں پوری آجائے،مریم نواز #MaryamNawaz #ImranKhan #jalsa #PMLN #PervaizElahi #PDM #PTI #jalsa #NawazSharif pic.twitter.com/XwDrQzNtfp
— News Alert (@TheNewsAlertPK) June 11, 2023
مریم نواز کا کہنا تھا کہ خود پر برا وقت آیا تو کارکنوں کو ذمہ دار ٹھہرا کر انہیں بس کے نیچے پھینک دیا، 9 مئی کے سانحہ سے تکلیف تو بہت ہو ئی لیکن اچھا ہوا ملک کا دشمن پہچانا گیا، فتنہ اور فساد کا باب بند ہوا ، اب انشاء اللہ ترقی کا سفر شروع ہو گا۔
مریم نواز نے کہا کہ جو ہاتھ ملک تعمیر کرتے ہیں وہ ملک میں توڑ پھوڑ نہیں کرتے ، بلکہ توڑ پھوڑ کرنے والوں کو توڑ دیتے ہیں ،نواز شریف کی واپسی کے بعد ملک ٹیک آف کرے گا۔
نوجوانوں کوسیاسی ٹھگ کی خواہشات کا ایندھن نہیں بننے دیں گے:مریم نواز
مسلم لیگ (ن) کی چیف آرگنائزر مریم نواز کو شجاع آباد میں (ن) لیگ کے ورکرز کنونشن میں سونے کا تاج پہنایا گیا اور انہیں روایتی چادر بھی پہنائی گئی۔
