شاہ رخ خان کی فلم ’جوان‘ کی ریلیز میں دو دن باقی ہیں اور اس سے قبل ہی فلم باکس آفس پر نئے ریکارڈ قائم کررہی ہے۔
بھارتی میڈیا کے مطابق ’جوان‘ کے صرف تین دن میں دس لاکھ سے زائد ٹکٹ فروخت ہوچکے ہیں جس کے ساتھ اس نے ’پٹھان‘ اور ’غدر2‘ کا ریکارڈ توڑ دیا ہے۔
ذرائع کے مطابق ’جوان‘ نے ایڈوانس بکنگ میں10 لاکھ سے زائد ٹکٹ فروخت کرکے ریلیز سے قبل ہی 125 کروڑ سے زائد کا بزنس کرلیا ہے۔
بالی ووڈ اداکار شاہ رخ خان حادثے کا شکار ہو گئے
شاہ رخ خان نے چار برس بعد ’پٹھان‘ کے ساتھ بڑے سینما پر واپسی کی، اب ’جوان‘ کے ذریعے باکس آفس پر طوفان برپا ہے جبکہ لیجنڈری راج کمار ہیرانی کی فلم ’ڈنکی‘ ابھی باقی ہے۔
واضح رہے کہ سات ستمبر کو ریلیز ہونے والی فلم میں نیانترا، دیپیکاپڈوکون، سانیا ملہوترا، وجے سیتھوپتی اور دیگر بھی ایکشن میں نظر آئیں گے۔
