اسلام آباد : انسداد دہشتگردی عدالت نے مراد سعید، عمر ایوب اور علی امین گنڈا پور سمیت پی ٹی آئی کے 10 رہنماؤں کے دائمی وارنٹ گرفتاری جاری کر دیے۔
جوڈیشل کمپلیکس حملہ اور توڑ پھوڑ کے کیس میں انسداد دہشتگردی عدالت کے جج ابوالحسنات محمد ذوالقرنین نے پاکستان تحریک انصاف کے 10 رہنماؤن کے دائمی وارنٹ گرفتاری جاری کر دیے، جن میں مراد سعید، عمر ایوب خان اور علی امین گنڈا پور بھی شامل ہیں۔
عدالت نے طلب کیے جانے کے باوجود مسلسل غیر حاضری پر دائمی وارنٹ گرفتاری جاری کیےہیں، دیگر ملزمان میں شبلی فراز، فرخ حبیب، حماد اظہر، علی نواز اعوان، حسان خان نیازی، عمر سلطان اور کرنل محمد عاصم بھی شامل ہیں۔
عدالت نے یہ حکم دیا ہے کہ ملزمان کو اشتہاری قراردیا جا چکا ہے، ملزمان جہاں نظر آئیں، انہیں گرفتار کرکے عدالت میں پیش کیا جائے۔
