کراچی، بینکنگ کورٹ نے جعلی اکاؤنٹس کیس میں سابق صدر آصف زرادری اور انکی ہمشیرہ فریال تالپور کو نوٹس جاری کر دیا۔
کراچی کے بینکنگ کورٹ نے سابق صدر آصف زرداری کیخلاف جعلی بینک اکاؤنٹس کیس کی سماعت کی جس سلسلے میں فاروق ایچ نائیک عدالت میں پیش ہوئے۔
فاروق نائیک نے عدالت کو بتایا کہ جن ملزمان کو نوٹسز ملے تھے وہ آج عدالت میں پیش ہوئے ہیں لیکن آصف زرداری اور فریال تالپور کو نوٹس موصول نہیں ہوئے تھے۔
عدالت نے فاروق نائیک کے دلائل سننے کے بعد آصف علی زرداری اور فریال تالپور سمیت دیگر کو 19 فروری کیلئے نوٹس جاری کر دیا۔
