اسلام آباد، تحریک انصاف کے رہنما بابر اعوان نے کہا ہے کہ بلا چھین لیا اور پچ اکھاڑ دی گئی لیکن ہم مرد ہیں میدان نہیں چھوڑیں گے۔
اسلام آباد ہائیکورٹ میں میڈیا سے گفتگو کرتے ہوئے بابر اعوان نے کہا کہ پی ٹی آئی کسی صورت الیکشن کا بائیکاٹ نہیں کرے گی، ہم سے بلا چھین لیا گیا ہے اور پچ اکھاڑ دی گئی ہے، نواز شریف پہلے بھی 2 چیف جسٹس سے لڑائی کرکے جا چکے ہیں۔
بابر اعوان کا کہنا تھا کہ نواز شریف کو لانے سے اب کوئی استحکام نہیں آئے گا، ایسے الیکشن ہوئے تو 2 ماہ بھی حکومت نہیں چک سکے گی، یہ ساری کوششیں ہو رہی ہیں کہ میدان چھوڑ دیں لیکن ہم مرد میدان ہیں، چاہتے ہیں وکٹ بھی ہو پچ بھی اور مخالف بھی۔
بابر اعوان کا کہنا تھا کہ پچ اکھاڑ دی گئی، وکٹ اٹھا کے لوگ بھاگ گئے، بلا ہم سے چھین لیا گیا، اب وہ کہتے ہیں خالی ہاتھ لڑیں، اسکے باوجود ہم الیکشن سے نہیں نکلیں گے۔