لاہور، مسلم لیگ (ن) کے صدر شہباز شریف کا کہنا ہے کہ بانی پی ٹی آئی نے قوم کیساتھ بددیانتی نہ کی ہوتی تو آج جیل میں نہ ہوتے۔
ایک انٹرویو میں شہباز شریف نے کہا کہ اگر 9 مئی کا واقعہ نہ ہوا ہوتا تو بانی پی ٹی آئی آج انتخابی مہم چلا رہے ہوتے۔
شہباز شریف کا کہنا تھا کہ خواہش تھی کہ انتخابات میں بلا ہوتا لیکن دنیا نے دیکھا کہ عدالت نے اس معاملے میں جو ثبوت ان سے مانگا وہ پیش نہیں کیا جاسکا۔
لیگی صدر کا کہنا تھا کہ انتخابات میں جو بھی جیتے، دعا ہے کہ اسے سادہ اکثریت ملے تاکہ وہ فیصلے کر سکے، سادہ اکثریت پاکستان کی ضرورت ہے، سروے بتا رہے ہیں کہ پنجاب میں (ن) لیگ سب سے آگے ہے۔
