آسٹریلیا کے جارح مزاج مڈل آرڈر بیٹر گلین میکسویل کو رات دیر گئے پارٹی میں ضرورت سے زیادہ شراب پینے کے باعث اسپتال میں داخل کرانا پڑ گیا۔
گلین میکسویل کو ایڈیلیڈ میں رات دیر تک پارٹی کے بعد جمعے کے روز شراب پینے کے باعث ایمبولینس کے ذریعے اسپتال منتقل کیا گیا، اسی روز اسپتال سے گھر چلے گئے۔
کرکٹ آسٹریلیا نے جارح مزاج بیٹر کو ویسٹ انڈیز کیخلاف ون ڈے میچوں کی سیریز میں آرام دیا ہے، وہ ویسٹ انڈیز کیخلاف ٹی ٹوئنٹی سیریز کیلئے ٹیم کا حصہ ہوں گے۔
یاد رہے کہ کچھ عرصہ قبل بھی گلین میکسویل گالف کھیلنے کے دوران گر کر زخمی ہوگئے تھے جس میں انہیں چہرے اور سر پر چوٹیں آئی تھیں۔