محسن نقوی کو چیئرمین مینجمنٹ کمیٹی پاکستان کرکٹ بورڈ ( پی سی بی ) تعینات کرنے کی منظوری دیدی گئی۔
ذرائع کے مطابق نگران وزیراعظم نے محسن نقوی کی تقرری کی منظوری دی ہے، نگران وزیراعظم نے محسن نقوی کو پی سی بی کا ممبر بورڈ آف گورنر بھی تعینات کیا ہے۔
وزارت بین الصوبائی رابطہ محسن نقوی کی تقرری کو نوٹیفکیشن جلد جاری کرے گی۔
خیال رہے کہ محسن نقوی اس وقت نگران وزیر اعلیٰ پنجاب بھی ہیں۔
واضح رہے کہ 19 جنوری کو پاکستان کرکٹ بورڈ کے چیئرمین مینجمنٹ کمیٹی ذکااشرف نے عہدے سے استعفیٰ دیدیا تھا، ذکا اشرف نے بطور چیئر مین پی سی بی مینجمنٹ کمیٹی اور ممبر بورڈ آف گورنر کے عہدے سے استعفیٰ دیا تھا۔