ڈی آئی خان، ابا شہید چیک اپ پوسٹ پر دہشتگردوں کے حملے میں ایک سیکیورٹی اہلکار شہید ہو گیا۔
ڈی ایس پی حافظ عدنان نے بتایا کہ گزشتہ رات دہشتگردوں نے ابا شہید چیک پوسٹ پر حملہ کیا جس پر کوئیک رسپانس فورس نے بھرپور جوابی کارروائی کی۔
ڈی ایس پی کے مطابق جوابی کارروائی سے دہشتگرد فرار ہو گئے تاہم اس دوران فائرنگ کے تبادلے میں کوئیک رسپانس فورس کا ایک اہلکار شہید ہو گیا۔
پولیس کے مطابق فائرنگ کے تبادلے میں گولیوں کی زد میں آکر کھیتوں میں کام کرنیوالے 2 مزدور جاں بحق اور زخمی ہو گئے۔
