لاہور، پاکستان کرکٹ ٹیم کے ڈائریکٹر محمد حفیظ نے کرکٹ بورڈ کے قائم مقام چیئر مین شاہ خاور سے ملاقات میں قومی ٹیم کے دورہ آسٹریلیا اور نیوزی لینڈ میں شکستوں کی وجوہات بتائیں۔
لاہور میں پی سی بی ہیڈکوارٹرز میں ڈائریکٹر محمد حفیظ نے بتایا کہ دورہ آسٹریلیااور نیوزی لینڈ میں کھلاڑیوں کی توجہ نہیں تھی، پاکستان کرکٹ کی بہتری کے حوالے سے بھی اقدامات پر تفصیلی بات کی۔
محمد حفیظ سے انکے کنٹریکٹ کے حوالے سے بھی بات چیت کی گئی۔
ذرائع نے بتایا کہ محمد حفیظ کا کنٹریکٹ ختم ہو چکا ہے ، بورڈ نے محمد حفیظ کو وزارت بین الصوبائی رابطہ سے گائیڈ لائنز کے بعد جلد از جلد آگاہ کرنے کا کہا ہے ، وزارت نے بورڈ کو طویل کنٹریکٹ دینے سے روک رکھا ہے۔