پیرس، یورپی یونین نے روس کیخلاف جنگ میں یوکرین کو اربوں ڈالر امداد دینے پر اتفاق کرلیا۔
غیر ملکی میڈیا کے مطابق یورپی یونین کی جانب سے یوکرین کیلئے 54 ارب ڈالر کی امداد پر اتفاق کیا گیا ہے۔
یورپی یونین کی جانب سے امداد کے اعلان پر رد عمل میں یوکرینی صدر کا کہنا تھا کہ یورپی یونین نے ایسا فیصلہ کیا ہے جس کا طویل عرصے سے انتظار تھا۔
فرانس کے صدر ایمانوئیل میکرون کا کہنا تھا کہ یوکرین کو یورپی امداد روس کیلئے واضح پیغام ہے، یہ امداد امریکا کیلئے پیغام ہے جہاں اربوں ڈالر کا امدادی پیکج کانگریس میں پھنسا ہوا ہے۔
