سٹی پولیس آفیسر محمد ایاز سلیم کی ہدایات پر گوجرانوالہ پولیس کے چاق و چوبند دستے نے آج اوجلہ کلاں کے شہداء کی بتیسویں برسی پر شہیدوں کو سلامی دی اور فاتحہ خوانی کی۔
اوجلہ کلاں کے شہداء جنہوں نے عوام کی جان و مال کی حفاظت کرتے ہوئے 19 فروری 1992 کو اپنے فرض کی خاطر جانیں قربان کرنے سے گریز نہ کیا، اس اہم دن پر ہم ان بہادرپولیس افسران کو خراج تحسین پیش کرتے ہیں۔
انٹربینک مارکیٹ: امریکی ڈالر کی قیمت میں اضافہ
شہید ہونے والے پولیس افسران میں سب انسپکٹر فاروق خان، سب انسپکٹر سیف اللہ بٹ، ہیڈ کانسٹیبل خدا داد، کانسٹیبل محمد اعظم، کانسٹیبل محمد افضل، کانسٹیبل افتخار احمد اور کانسٹیبل محمد ارشد شامل تھے۔
اسی موقع پر سٹی پولیس آفیسر محمد ایاز سلیم نے کہا ہم اپنے شہداء کے پیچھے چھوڑے گئے خاندانوں اور پیاروں سے گہری ہمدردی کا اظہار کرتے ہیں۔ انہوں نے جو درد برداشت کیا اور برداشت کر رہے ہیں۔ وہ ہمارے ہیروز کی وردی میں دی گئی قربانیوں کی واضح یاد دہانی ہے۔
دھاندلی زدہ انتخابات: سینیٹر طاہر بزنجو کا چیف الیکشن کمشنر کی گرفتاری کا مطالبہ
سی پی او نے مزید کہا کہ ہمارا فرض ان لوگوں کو یاد رکھنا اور عزت کرنا ہے جنہوں نے ہماری حفاظت کے لیے اپنی جانوں کا نذرانہ پیش کیا۔ ان ہیروز کی طرف سے دی گئی قربانیاں کبھی فراموش نہیں کی جائیں گیں اور انہیں ہمیشہ یاد رکھا جائے گا۔
