پاکستان پیپلزپارٹی (پی پی پی) کے چیئرمین بلاول بھٹو زرداری نے خود پر دھاندلی کا الزام لگانے والوں کے خلاف قانونی چارہ جوئی کا اعلان کردیا۔
بلاول بھٹو نے اپنے انتخابی حلقے کے تمام فارم 45 عوام کے سامنے رکھ دیے اور کہا کہ فارم 47 کے مطابق میں نے ایک لاکھ 35 ہزار 112 ووٹ لیے ہیں۔
ملک احمد خان اسپیکر پنجاب اسمبلی ہوں گے
بلاول نے کہا کہ این اے 194 سے ایک فراڈیے نے لاڑکانہ میں میری کامیابی کو دھاندلی سے تعبیر کرنے کا دعویٰ کیا ہے۔
ان کا کہنا تھا کہ بجائے عزت کے ساتھ اپنی شکست تسلیم کریں، شکست خوردہ افراد جھوٹ بولنے پر اتر آئے ہیں، یہ ان افراد سے ناانصافی کررہے ہیں جن کے الزمات جائز نوعیت کے ہیں۔