اسلام آباد، صدر مملکت ڈاکٹر عارف علوی ہی نو منتخب وزیراعظم شہباز شریف سے حلف لیں گے، حلف برداری کی تقریب آج سہ پہر 3 بجے ایوان صدر میں ہوگی۔
ڈاکٹر عارف علوی نے اس معاملے میں رضا مندی کا اظہار بھی کردیا ہے۔
اس حوالے سے چیئرمین سینیٹ صادق سنجرانی کے قریبی ذرائع نے بھی دعویٰ کیا ہے کہ نو منتخب وزیراعظم کا حلف صدر عارف علوی ہی لیں گے۔
یاد رہے کہ شہباز شریف گزشتہ روز ہونے والے قومی اسمبلی کے اجلاس میں 201 ووٹ لیکر وزیراعظم منتخب ہوئے ہیں جبکہ سنی اتحاد کونسل کے امیدوار عمر ایوب کو 92 ووٹ ملے۔