چیئرمین پاکستان کرکٹ بورڈ (پی سی بی) محسن نقوی نے قومی کھلاڑیوں پر واضح کردیا کہ اب ٹیم صرف میرٹ پر منتخب ہوگی۔
ان کا کہنا تھا کہ وہ کسی کھلاڑی کو پیسے کمانے سے نہیں روک رہے لیکن پاکستان اسکی پہلی ترجیح ہونی چاہیے۔
چیئرمین پی سی بی محسن نقوی نے کہا ہے کہ آج کے بعد جب بھی ٹیم سیلیکٹ ہوگی، وہ میرٹ پر ہوگی۔
انکا کہنا تھا کہ میں کسی کو نہیں کہوں گا کہ آپ لوگوں نے پیسے نہیں کمانے، پاکستان کو پہلی ترجیح دیں اور کمائی کو سیکنڈ کردیں۔
چیئرمین پی سی بی نے کہا کہ کسی چیز کے لیے آپ کو یہ نہیں کرنا چاہیے کہ میں نے ٹیم میں جانا ہے تو فلاں بندے کے گروپ میں ہونا پڑے گا یا مجھے فلاں بندے کی گڈ بکس میں ہونا پڑے گا۔
انکا کہنا تھا کہ آپ کو اس طرح کی چیز نظر آئے تو آپ نے صرف مجھے ایک میسج کرنا ہے اور میں آپ کو بتا رہا ہوں میں بالکل دوستی یاری والا آدمی بھی ہوں اور بد لحاظ بھی ہوں۔