لاہور، سپیکر پنجاب اسمبلی ملک احمد خان کا کہنا ہے کہ خوفزدہ ہوں، سوچ کا اختلاف ایسی جگہ چلا گیا جہاں دلیل کی گنجائش نہیں۔
سپیکر پنجاب اسمبلی نے پنجابی یونیورسٹی میں میڈیا سے گفتگو کرتے ہوئے کہا کہ 2 سیاسی تقسیم ہیں، ایک قسم اختلافات کو بھلا کر ملکی ترقی چاہتی دوسری قسم سیاسی انتشار اور جلاؤ گھیراؤ چاہتی ہے، ریاست اس معاملے میں نرمی نہیں برتے گی بلکہ اپنی رٹ قائم کرے گی۔
ملک احمد خان نے کہا کہ ڈائیلاگ، مکالمہ اور دلیل کی گنجائش معاشرے میں نہیں رہی، شکوے و شکایات اور ڈائیلاگ سے باہمی اختلافات ختم کئے جاسکتے ہیں، ڈائیلاگ کرنا پڑے گا ورنہ کہیں پہنچ نہیں پائیں گے اور جھگڑے میں رہیں گے۔