عدالت نے الیکشن میں مبینہ دھاندلی کا الزام لگانے والے سابق کمشنر راولپنڈی لیاقت علی چٹھہ کو طلب کرلیا۔
سابق کمشنر کیخلاف مقدمہ کی سماعت ایڈیشنل سیشن جج حاکم خان نے کی۔
عدالت نے پولیس کو آئندہ تاریخ پر سابق کمشنر لیاقت علی چٹھہ کو ہر صورت تلاش کرکے عدالت پیش ہونے کا حکم دیا ہے۔
راولپنڈی پولیس نے عدالت میں اپنا جواب جمع کراتے ہوئے کہا کہ سابق کمشنر مسلسل روپوش ہیں اور اپنے آبائی گاؤں حافظ آباد والے گھر بھی موجود نہیں جس پر عدالت نے پولیس کو سابق کمشنر کو 15 اپریل تک تلاش کرکے عدالت میں پیش کرنے کا حکم جاری کرتے ہوئے سماعت ملتوی کردی۔
وکلاء نے سابق کمشنر کیخلاف مقدمہ درج کرنے کیلئے 22 اے کی درخواست دائرکر رکھی ہے ۔