گھوٹکی، قومی شاہراہ سے دو روز سے لاپتہ ہونے والے ڈرائیورز اور کلینر کے اغوا کا انکشاف ہوا ہے۔
پولیس کے مطابق ڈرائیور اور کلینر کے اغوا کا مقدمہ درج کرلیا گیا ہے اور مغوی علی رضا شاہ کے بھائی حیدر رضا کی مدعیت میں مقدمہ درج کیا گیا ہے۔
ایف آئی آر کے مطابق ڈرائیور اور کلینر منی ٹرک میں کراچی سے پنجاب جارہے تھے، ڈاکو شہزاد اور ساتھیوں نے قومی شاہراہ سے علی رضا اور مدثر آرائیں کو اغوا کیا۔
پولیس نے بتایا کہ مسلح ڈاکوؤں نے 2 روز قبل قومی شاہراہ کیڈٹ کالج کے قریب گاڑیوں پر فائرنگ کرکے دو افراد کو اغوا کیا تھا۔
