وفاقی وزیر منصوبہ بندی و ترقیات احسن اقبال نے کہا کہ وفاقی کابینہ میں ایسے افراد موجود ہیں کہ جو حکمران اتحاد میں پل کا کردار ادا کر سکتے ہیں۔
علی امین گنڈاپور سے جب وزیراعظم شہباز شریف کی ملاقات ہوئی تو انہیں ایسی بریفنگ دی گئی جس سے انہیں مسئلے کی سنگینی کا احساس ہوا ہوگا۔
احسن اقبال کا کہنا تھا کہ پی ٹی آئی کو انتخابی نشان اور مخصوص نشستیں نہیں ملی تو وہ انکو اپنی غلطی سے نہیں ملی۔
احسن اقبال کا کہنا تھا کہ ہم کسی سے مخالفت نہیں چاہتے ہیں، سیاسی مارچ کی بجائے اقتصادی مارچ ہوگا، پرویز خٹک ہمیں گالیاں دیتے تھے اور ہم صبح انکی عزت کرتے تھے، ہم ایک ساتھ ملکر کام کریں گے تب ہی 10 سالوں میں صف اول کی معیشت بن سکتے ہیں۔