وزیراعلیٰ پنجاب مریم نواز نے بیرون ملک پاکستانیوں کیلئے اوور سیز پراپرٹی ٹرانسفر سروس شروع کرنے کا اعلان کردیا۔
مریم نواز نے یہ اعلان اپنی زیر صدارت بورڈ آف ریونیو کی اصلاحات سے متعلق اجلاس میں کیا۔
اوور سیز پراپرٹی ٹرانسفر سروس میں فرد، میوٹیشن اور رجسٹریشن کی سہولت دی جائے گی۔
وزیراعلیٰ پنجاب نے ہدایت کی ہے کہ اوور سیز پاکستانیوں کیلئے پراپرٹی ٹرانسفر سروسز میں ٹائم لائن کی پابندی کو یقینی بنایا جائے۔
مریم نواز نے پنجاب میں سرکاری اراضی کی لیز کا ریکارڈ بھی طلب کرلیا، 30 جون تک 11 ڈویژن میں اراضی سہولت مرکز کا آغاز کیا جائے گا۔