ملک میں ٹیکس چوری کے بڑے گروہ کا سرغنہ کراچی ایئرپورٹ سے گرفتار کرلیا گیا۔
ترجمان کارپوریٹ ٹیکس آفس کے مطابق ملزم آصف رزاق دینار ٹیکس چوری کے وسیع نیٹ ورک کا سرغنہ اور ماسٹر مائنڈ ہے۔
ملزم کی گرفتاری کارپوریٹ ٹیکس آفس کے ایک چھاپے کے دوران ہوئی، ملزم جعلی کمپنیوں کی آڑ میں منی لانڈرنگ اور ٹیکس فراڈ میں ملوث ہے، ملزم کا گروہ اربوں روپے کے ٹیکس ریونیو کی چوری کیلئے جعلی رسیدیں تیار کرتا ہے۔
ترجمان کارپوریٹ ٹیکس آفس کے مطابق آصف دینار کی گرفتاری ٹیکس چوری کیخلاف جنگ میں اہم سنگ میل ہے، ملزم کے دفتر سے اہم ریکارڈ بھی قبضے میں لیاگیا۔