اسلام آباد، جوڈیشل مجسٹریٹ کی عدالتوں نے عمران خان کیخلاف لانگ مارچ کے دوران توڑ پھوڑ کے 2 کیسز میں انکی بریت کی درخواست منظور کرلی۔
اسلام آباد کی جوڈیشل مجسٹریٹ شائستہ کنڈی نے لانگ مارچ کے دوران توڑ پھوڑ کے 2 مقدمات میں عمران خان کی بریت کی درخواستوں پر سماعت کی جس سلسلے میں عمران خان کے وکلا نعیم حیدر پنجوتھا، سردار مصروف اور آمنہ علی عدالت میں پیش ہوئے۔
دوران سماعت عدالت نے عمران خان کو عدالت میں پیش کرنے کی درخواست مسترد کردی اور کہا کہ اگر عمران خان کو عدالت لاتے ہوئے راستے میں کچھ ہوگیا تو کون ذمہ دار ہوگا؟
اس پر وکیل نعیم پنجوتھا نے کہا کہ عمران خان اس سے قبل بھی خود سے عدالتوں میں پیش ہوتے رہے ہیں، ہم ان کی موجودگی میں دلائل دینا چاہتے ہیں، اس پر مجسٹریٹ نے کہا کہ ضمانت پر حاضری ضروری ہوتی۔
واضح رہے کہ عمران خان کیخلاف تھانہ لوہی بھیر اور سہالہ میں مقدمات درج کیے گئے تھے۔
