لاہور الیکٹرک سپلائی کمپنی (لیسکو) اور قانون نافذ کرنے والے اداروں نے کارروائی کرتے ہوئے بجلی کی بڑی چوری پکڑ لی۔
لیسکو ترجمان کے مطابق فیکٹری کے میٹر میں ڈیوائس لگا کر بجلی چوری کی جارہی تھی۔
لیسکو نے ایف آئی اے اور پولیس کے ہمراہ کارروائی کرتے ہوئے بجلی کی بڑی چوری پکڑ لی۔
ٹیم چیکنگ کیلئے پہنچی تو ملزمان نے سخت مزاحمت بھی کی۔
ترجمان لیسکو کے مطابق بجلی چوری سے متعلق 2 ملزمان کیخلاف مقدمہ درج کرتے ہوئے ان پر 1 کروڑ 25 لاکھ جرمانہ عائد کیا گیا ہے۔
