بالی وڈ اداکارہ تاپسی پنو نے اپنے بوائے فرینڈ اور بیڈ منٹن کھلاڑی میتھیاس بو سے خاموشی سے شادی کرلی۔
بھارتی میڈیا کے مطابق ادکارہ کی شادی کی تقریب 23 مارچ کو بھارتی شہر ادے پور میں منعقد ہوئی، جس میں انکے قریبی رشتہ داروں نے ہی شرکت کی، اسکے علاوہ شوبز انڈسٹری سے بہت ہی کم لوگ اس شادی میں مدعو تھے، چند مشہور شخصیات نے شادی میں شرکت کی۔
خیال رہے کہ گزشتہ ماہ فروری میں خبر سامنے آئی تھی کہ تاپسی رشتہ ازدواج میں منسلک ہونے جارہی ہیں۔
واضح رہے کہ تاپسی اور میتھیاس بو 10 سال سے زیادہ عرصے سے ایک رشتے میں موجود ہیں جب کہ جوڑے کو میڈیا پر اپنی نجی زندگی اور معلومات شیئر کرنا پسند نہیں ہے۔
