گوجرانوالہ (ویب ڈیسک) ریجنل پولیس آفیسر طیب حفیظ چیمہ کا تھانہ سیٹلائٹ ٹاون کا سرپرائز وزٹ۔
دوران وزٹ تھانہ کے مینول ریکارڈ، آن لائن ریکارڈ، فرنٹ ڈیسک، اسلحہ خانہ، مال خانہ، حوالات، بلڈنگ اور صفائی ستھرائی کا جائزہ لیا اور حوالات میں بند ملزمان سے گفتگو کی۔
آر پی او نے تھانہ جات میں موجو د سائلین سے ان کے مسائل دریافت کیے اور مسائل کے فوری حل کے لیے احکامات جاری کیے۔
اس موقع پر آر پی او کا کہنا تھا کہ تھانہ میں آنے والے سائلین کی عزت نفس کا خیال رکھتے ہوئے ان سے خوش اخلاقی سے پیش آئیں اور ان کے مسائل فوری حل کرنے کیلیے ہر ممکن اقدامات کیے جائیں۔ ایف آئی آر کے بروقت اندراج کو یقینی بنایا جائے اور زیر تفتیش مقدمات میرٹ پر یکسو کئے جائیں۔
تھانہ جات کے مینول اور آن لائن ریکارڈ کی بروقت تکمیل اور کرائم میپنگ کو یقینی بنایا جائے۔ مجرمان اشتہاریوں اور عدالتی مفروران کے خلاف خصوصی ٹیمیں تشکیل دے کر زیادہ سے زیادہ کارروائیاں عمل میں لائی جائیں اور عدالتی مفروران کے ضامنوں کے خلاف حسب ضابطہ کاروائی عمل میں لائی جائے۔ قانون شکن عناصر کی سرکوبی اور عوام الناس کا تحفظ میری اولین ترجیحات میں شامل ہے۔
