راولپنڈی کی اڈیالہ جیل میں سیاسی و عام قیدیوں سے ملاقاتوں پر 2 ہفتوں سے جاری پابندی ختم کردی گئی ہے۔
پنجاب حکومت نے سیکیورٹی خدشات کے پیش نظر 12 مارچ کو ملاقاتوں پر پابندی لگائی تھی۔
جیل انتظامیہ کے مطابق اڈیالہ جیل میں آج سے ملاقاتیں دوبارہ بحال ہوگئی ہیں، پابندی کا مقصد عمران خان سمیت 7 ہزار سے زائد قیدیوں کی حفاظت تھا۔
سپرنٹنڈنٹ اڈیالہ جیل کا کہنا ہے کہ جیل میں آج سے ملاقاتوں پر پابندی ختم ہوچکی ہے، تمام قیدیوں کے لواحقین معمول کے ایس او پیز کے مطابق ملاقات کرسکیں گے۔
