پی ٹی آئی رہنما صنم جاوید کا نام 9 مئی کے مقدمات میں شامل کرلیا گیا۔
پولیس کے مطابق میانوالی کے تھانہ سٹی میں 9 مئی کو توڑ پھوڑ کے 2 مقدمات 348/23 اور 349/23 درج تھے۔
صنم جاوید کا نام پہلے سے درج مقدمات میں بطور ملزمہ شامل کیا گیا ہے۔
پولیس کا کہنا ہے کہ صنم جاوید کی گرفتاری کیلئے ڈی ایس پی صدر کی زیر قیادت ٹیم لاہور پہنچ گئی ہے، واضح رہے کہ 27 مارچ کو لاہور کی انسداد دہشتگردی کی عدالت نے تھانہ شادمان کو آگ لگانے کے مقدمے میں پی ٹی آئی کی رہنما عالیہ حمزہ اور صنم جاوید کی ضمانت منظور کی تھی۔
رواں ہفتے ہی سینیٹ انتخابات کیلئے الیکشن کمیشن پنجاب نے پی ٹی آئی کی صنم جاوید کے کاغذات نامزدگی منظور کیے تھے۔
