خیرپور میں صندوق سے 3 کمسن بچوں کی لاشیں ملنے کے واقعے کی ابتدائی میڈیکل رپورٹ جاری کردی گئی۔
پوسٹ مارٹم رپورٹ کے مطابق کمسن بچوں کی موت صندوق میں دم گھٹنے سے ہوئی، جسم پر تشدد کے نشانات بھی پائے گئے ہیں۔
دم گھٹنے سے بچوں کے منہ سے خون بھی نکلا، ابتدائی میڈیکل رپورٹ کے مطابق بچوں کیساتھ زیادتی کا شبہ ظاہر نہیں کیا گیا ہے۔
واقعے کی مختلف پہلوؤں سے تحقیقات جاری ہیں اور 3 زیر حراست افراد سے تفتیش کی جارہی ہے۔