کراچی کی مقامی عدالت نے منشیات کا جرم ثابت ہونے پر مجرم کو عمر قید کی سزاسنادی۔
کراچی کے ایڈیشنل ڈسٹرکٹ اینڈ سیشن جج ملیر کی عدالت میں کیس کی سماعت ہوئی، جس دوران پراسیکیوشن نے عدالت کو بتایا کہ پولیس نے ملزم کو 2023 میں خفیہ اطلاع پر گرفتار کیا، تلاشی کے دوران ملزم سے 40 کلو چرس برآمد کی گئی۔
پراسیکیوشن کے مطابق چرس رکشے کی سیٹ کے نیچے چھپا کر رکھی گئی تھی اور ملزم کیخلاف تھانا ابراہیم حیدری میں مقدمہ درج ہے۔
عدالت نے پراسیکیوشن کے دلائل مکمل ہونے کے بعد جرم ثابت ہونے پر مجرم کو عمر قید کی سزا سناتے ہوئے 10 لاکھ کا جرمانہ بھی عائد کردیا۔