نئی دہلی، بھارت میں اپریل فول پر نوجوان کیجانب سے کیا گیا مذاق اسکی اپنی ہی جان لے گیا۔
افسوسناک واقعہ بھارتی ریاست مدھیہ پردیش کے شہر اندور میں پیش آیا جہاں فرسٹ ایئر کے طالبعلم ابھیشک نے دوست کو ویڈیو کال ملائی اور پھانسی لینے کی ایکٹنگ کرنے لگا، جسکا مقصد دوست کو اپریل فول بنانا تھا۔
اسی اثنامیں جس سٹول پر وہ کھڑا تھا اسکا اپنا پاؤں پھسل گیا اور گلے میں موجود رسی سے واقعی پھندا لگ گیا اور وہ موت کے منہ میں چلا گیا۔
ابھیشک کے دوست نے فوری طور پر اسکے گھر والوں کو کال کرکے آگاہ کیا جو اسے ہسپتال بھی لے کر گئے مگر اسی دوران ابھیشک کی موت واقع ہوگئی، ہسپتال پہنچنے پر ڈاکٹروں نے موت کی تصدیق کردی۔
