تحریک انصاف کے ترجمان رؤف حسن نے کہا ہے کہ حکومت کو ریشم کی تلاش ہے جو انکی ہی کسی محفوظ جگہ بیٹھی ہے۔
رؤف حسن نے کہا یہ عدالتوں پر دباؤ ڈالنا چاہتے ہیں، الزام پی ٹی آئی سوشل میڈیا پر لگا رہے تھے، سپریم کورٹ پر حملے کا الزام ہم پر تو نہیں تھا وہ تو ن لیگ پر تھا۔
ترجمان پی ٹی آئی کا مزید یہ کہنا تھا کہ عدالتی اجازت کے باوجود سابق چیئرمین پی ٹی آئی سے نہیں ملنے دیا گیا، گزشتہ روز 6 سیاسی جماعتوں کا گرینڈ الائنس تشکیل دیا گیا، اس پلیٹ فارم سے سیاسی سرگرمیوں کا آغاز عید کے بعد ہوگا، پہلا جلسہ بلوچستان پشین میں ہوگا۔
