کراچی پولیس نے گلشن حدید میں اسکول پرنسپل کی نازیبا ویڈیوز کے اسکینڈل میں ملوث مفرور ملزم کاشف شاہ کو ملیر سے گرفتار کرلیا ہے۔
پولیس کے مطابق ملزم کاشف شاہ مرکزی ملزم عرفان میمن کا برادر نسبتی ہے۔
اس نے سی سی ٹی وی کیمرے نصب کرنیوالے کیساتھ مل کر ویڈیوز بنائی تھیں۔
پولیس کے مطابق اسکول پرنسپل عرفان میمن خواتین کو نوکری کا جھانسہ دیکر نازیبا حرکات کرتا تھا، عرفان میمن زیر حراست ہے لیکن ملزم کاشف شاہ راہ فرار اختیار کیے ہوئے تھا۔
یاد رہے کہ کچھ ماہ قبل ایک اسکول میں پرنسپل کی خواتین کیساتھ نازیبا ویڈیوز سامنے آئی تھیں۔
