لاہور، وزیر داخلہ محسن نقوی نے سوشل میڈیا کے استعمال سے متعلق سخت قوانین کی حمایت کردی۔
لاہور میں پریس کانفرنس کرتے ہوئے محسن نقوی نے کہا کہ برطانیہ یا عرب ممالک ہوں، جھوٹی ویڈیوز شیئر کرنے والوں کیساتھ جو سلوک ہوتا ہے وہ سب کو معلوم ہے۔
محسن نقوی نے کہا کہ پاکستان میں آزادی اظہار رائے ہونی چاہیے لیکن ایسا قانون بھی ہونا چاہیے کہ کوئی جھوٹا الزام لگائے تو اسکو پکڑا جاسکے۔
بہاولنگر واقعے سے متعلق سوال پر انہوں نے کہا کہ لڑائی تو گھر میں دو بھائیوں میں بھی ہوجاتی ہے، ایک واقعے کو بنیاد بنا کر نہیں کہا جاسکتا کہ پوری فورس ڈی مورلائز ہوگئی، ہم نے واقعے کو زیادہ بڑھا دیا، بھارت میں بھی ایسا واقعہ ہوا لیکن وہاں نتائج مختلف تھے۔
